Popular Bible Verses from રોમનોનેં પત્ર 11

Share

કેંમકે બદ્દું પરમેશ્વર થી હે અનેં બદ્દું હેંનેસ બણાયુ હે, અનેં બદ્દું હેંનુંસ હે, હીની મહિમા જુંગ-જુંગ થાતી રે. આમીન.

પરમેશ્વર ની દયા નું ધન અનેં બુદ્ધિ અનેં જ્ઞાન વાસ્તવ મ ઘણં મહાન હે, અનેં હેંના ફેસલા અનેં તરિકા કુઇ નહેં જાણેં સક્તું.

પરમેશ્વર ન વિસારં નેં કુઇ નહેં જાણેં સક્તું, અનેં હેંનેં કુઇ સલાહ નહેં આલેં સક્તું.

ઠીક ઇવીસ રિતી એંના ટાએંમ મ પરમેશ્વર ના અનુગ્રહ નેં લેંદે, એંનં યહૂદી મનખં નો એક નાનહોક ટુંળો હે, ઝેંનેં પરમેશ્વરેં પુંતાનં હાસં મનખં ના રુપ મ પસંદ કર્ય હે. ઇયુ પરમેશ્વર ના અનુગ્રહ થકી થાયુ હે, નહેં કે તાજં કામં કરવા થકી થાયુ, અગર તાજં કામં કરવા થી થાતું, તે ફેંર પરમેશ્વર નું અનુગ્રહ, અનુગ્રહ નેં કેંવાતું.

ઇસરાએંલ ન મનખં એક તાજા જેતૂન ના ઝાડ ની ડાળજ્યી જુંગ હે, અનેં ઇબ્રાહેંમ, ઇસાગ, અનેં યાકૂબ હેંના ઝાડ ન મૂળં નેં જુંગ હે. વેયે અમુક ડાળજ્યી ભાગેં દડવા મ આવજ્યી, અનેં તમું બીજી જાતિ ન મનખં ઝી જંગલી જેતૂન ના ઝાડ ની ડાળજ્યી જુંગ હે, હેંના તાજા જેતૂન ના ઝાડ મ કલમ કરવા મ આય હે, એંતરે હારુ ઝીવી રિતી હીની ડાળજ્ય નેં ઝી તાજા જેતૂન ના ઝાડ ન મૂળં ના રસ થકી ફાએંદો થાએ હે, હિવીસ રિતી તમનેં હુદી યહૂદી મનખં ન બાપ-દાદં ને લેંદે આશિષ મળી હે, એંતરે હારુ તમું કલમ કરેંલી ડાળજ્યી, ઝી ડાળજ્યી ભાગેં દડવા મ આવજ્યી હે હેંનેં ઇપેર ઘમંડ નહેં કરો, અગર તમું ઘમંડ કરો હે તે ઇયુ જાણ લો, કે મૂળં ડાળજ્ય ને આધારેં નહેં રેંતં, પુંણ ડાળજ્યી મૂળં ને આધારેં રે હે.