Popular Bible Verses from 1 યોહાન 2

Share

તમું નહેં તે દુન્ય ઇપેર અનેં નહેં દુન્ય ની વસ્તુવં ઇપેર પ્રેમ રાખો, અગર કુઇ દુન્ય ઇપેર પ્રેમ રાખે હે, તે હેંના મ બા પરમેશ્વર નો પ્રેમ નહેં. કેંમકે ઝી કઇ દુન્ય મ હે, એંતરે શરીર ની લાલસા અનેં આંખ ની લાલસા અનેં મિલકત નો ઘમંડ, વેયુ બા પરમેશ્વર ની તરફ થી નહેં પુંણ દુન્ય ની તરફ થીસ હે.

દુન્ય અનેં હીની લાલસા બે યે મટેં રિયુ હે, પુંણ ઝી પરમેશ્વર ની મરજી પરમણે સાલે હે, વેયુ હમેશા જીવતું રેંહે.

અગર કુઇ એંમ કે હે કે હૂં પરમેશ્વર હાતેં જુંડાએંલો રું હે, તે હેંનેં હુંદું પુંતે ઝેંમ ઇસુ મસીહ રેંતો હેંતો હેંમેંસ રેંવું જુગે.

હે મારં વાલં સુંરોં, હૂં આ વાતેં તમનેં એંતરે હારુ લખું હે કે તમું પાપ નેં કરો, અનેં અગર કુઇ પાપ કરે, તે આપડં પાપં ની માફી અલાડવા હારુ પરમેશ્વર બા કન આપડું વકીલપણું કરવા વાળો એક હે, એંતરે ધર્મી ઇસુ મસીહ.

ઝી કુઇ એંમ કે હે, “હૂં પરમેશ્વર નેં જાણું હે,” અનેં હીની આજ્ઞાવં નેં નહેં માનતું, તે વેયુ ઝૂઠુ હે અનેં વેયુ પરમેશ્વર ની હાસ પરમણે નહેં સાલતું.

અગર આપું પરમેશ્વર ની આજ્ઞાવં નેં માનહું, તે હેંનેં થી આપનેં ખબર પડહે કે આપું હેંનેં સોક્કસ જાણન્યે હે.

ઝી કુઇ એંમ કે હે કે હૂં ઇજવાળા મ હે પુંણ કઇનાક વિશ્વાસી ભાઈ ઇપેર વેર રાખે હે, વેયુ હઝુ તક ઇન્દારા મસ હે.

ઝૂઠુ કુંણ હે? ખાલી વેયુ ઝી ઇસુ નેં મસીહ હે, એંમ કરેંનેં નહેં માનતું. અનેં મસીહ નો વિરોધ કરવા વાળું વેયુસ હે, ઝી બા પરમેશ્વર અનેં હેંના સુંરા ઇસુ નો નકાર કરે હે.

ઝી કુઇ પરમેશ્વર ના સુંરા ઇસુ નો નકાર કરે હે, હેંનેં કન બા પરમેશ્વર હુંદો નહેં, ઝી કુઇ પરમેશ્વર ના સુંરા ઇસુ નેં માન લે હે, હેંનેં કન બા પરમેશ્વર હુંદો હે.