Popular Bible Verses from गलातियों 5

Share

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष, नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

परह् हाँव बुलू, के जे तुँऐं पबित्र-आत्त्मा के मुताबिक चाल्लै, तअ तुँऐं देह्-शरीर की बुरी हिछा बिलकुल भे पुरी ने करी सक्दे।

जे आँमें पबित्र-आत्त्मा के जाँणें जीऊँदे असो, तअ आँमें पबित्र-आत्त्मा के जाँणें चाले भे चेंई।

अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

देह्-शरीर की बुरी हिछा तअ पर्गट असो, मतल्व चुरी-जारी काँम-काज़, कू-कर्मं, चाप्लुषी, मुर्त्तियों की पूजा, गणाँदी, बईर, झगड़ा, रीष, झोक, बिरोध, फूट, पाप, जल़्ण, नंशैड़ी, लीला रंच्णी, अरह् ऐष्णी कऐयों काँम-काज़, ईन्देंखे के बारे दो हाँव तुँओं खे आगे ही बुली देऊँ, के जेष्णों आगे बुली भे थो; के ऐष्णी-ऐष्णी काँम-काज़ कर्णो वाल़े, पंण्मिश्वर के राजो दे वारिस-हंकदार ने हंदी।

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

किन्देंखे के बादे निय्म ईयों ऐकी अज्ञाँ दे पुरे हों, के “तू आप्णें पड़ोसी शो आपु जेष्णों पियार करह्।”

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।