Popular Bible Verses from 1 कुरिन्थियों 15

Share

ईन्देंखे हे मेरे प्यारे भाऐ बंईणों पाके, अट्ल़, डटेअंदे रूऐ, अरह् तुऐं प्रभू की काँम-काज़ कर्णो खे बड़दे ज़ाव, किन्देंखे के तुँऐं ऐजो जाँणों ऐ, के तुऐं जू प्रभू खे मेंह्नत्त करी लऐ से बै-कार ज़ाँदी ने।

परह् पंणमिश्वर का धन्यबाद हों, जू अमाँरे प्रभू यीशू मसीया के जाँणें आँमों जींताँव भेटा।

धोखा ने खाऐ, “बुरो साथ-हाथ आछा चाल-चल्ण बिगाड़ी दियों।”

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

हे मऊँत्त, तेरी जींत्त केथै रंऐ? ओ मंऊँत्त तेरा डंक केथै रूआ?” मंऊँती का डंक पाप असो, अरह् पाप के तागत ऋषी-मूसा खे भेटे गुऐ, अज्ञाँ-निय्म असो।

दे:खो, हाँव तुँओं कैई ऐक राज भेद् की बात बुलू: आँमें बादे ने मर्दे परह् बादे बद्ल़ी ज़ाँदे, अरह् ऐजो पल्क-झप्कदे ऐगड़ी खे होंदो, अरह् आखरी तुरही-रंणशिन्गों फुक्रो ज़ालो, अरह् तियों तुरही-रंणशिंगों फुकर्दे ही मुड़्दे अभिनाँषी देह्-शरीर की दषा दे ऊबे बीऊँदे, अरह् आँमें बादे बद्ल़ी ज़ाँदे।

किन्देंखे के जबे आदमी के जाँणें मंऊँत्त आऐ, तअ आदमी ही के जाँणें मरे अंदे ऊबे भी जीयाल़े गुऐ। अरह् जेष्णें आदम दे बादे नाँष बाँन देह्-शरीर दे मरी ज़ाँव, तेष्णें ही आँमें आत्त्मिक देह्-शरीर दे मसीया आरी ऊबे भे जियाल़े ज़ाँदे।

किन्देंखे के ऐजो जरूरी असो, के सेजी नाँष बाँन देह्-शरीर, अभिनाँषी देह्-शरीर धारण करह्, अरह् ऐजी मंर्णों वाल़ी देह्-शरीर अमर हंणों वाल़ी देह्-शरीर धारण करह्।

किन्देंखे के जाँव तोड़ी से आप्णे बादे बऐरी आप्णी लातो थाँई ने पाव, ताँव-तोड़ी प्रभू यीशू मसीया को राज कर्णो जरूरी असो। सोभी शा पाछे ही पाछे जुण्जा बऐरी नाँष करा ज़ाला, सेजी मंऊँत्त असो।