Popular Bible Verses from Mateo 28

Share

Enti monkɔ nkɔyɛ amanaman nyinaa m’asuafo, na mommɔ wɔn asu nhyɛ Agya ne Ɔba ne Honhom Kronkron din mu, na monkyerɛkyerɛ wɔn sɛ wonni nea mahyɛ mo nyinaa so. Na hwɛ, me ne mo wɔ hɔ nna nyinaa de bɛkɔ akosi wiase awiei.

Na Yesu bae bɛkasa kyerɛɛ wɔn sɛ: Wɔde ɔsoro ne asase so tumi nyinaa ama me.

Na ɔbɔfo no bua see mmea no sɛ: Mo de, munnsuro! Na minim sɛ mohwehwɛ Yesu a wɔbɔɔ no asɛnnua mu no. Onni ha; na wanyan sɛnea ɔkae no. Mommra mmɛhwɛ faako a na ɔda!

Ɛnna Yesu see wɔn sɛ: Munnsuro; monkɔ nkɔka nkyerɛ me nuanom sɛ wɔnkɔ Galilea, na ɛhɔ na wobehu me.

Na wɔne mpanyimfo no hyiae na wotuu agyina no, wɔmaa asraafo no sika bebree kae sɛ: Monka sɛ: Anadwo a yɛdae no na n’asuafo bae bewiaa no. Na sɛ eyi du amrado asom a, yɛbɛkyerɛ no mu na mo ho anka mu. Na wogyee sika no kɔyɛe sɛnea wɔka kyerɛɛ wɔn no. Na asɛm yi atrɛw Yudafo mu de abedu nnɛ.