Popular Bible Verses from 2 Korintofo 1

Share

Ayeyi nka yɛn Awurade Yesu Kristo Nyankopɔn ne n’Agya a ɔyɛ mmɔborohunu Agya ne awerɛkyekye nyinaa Nyankopɔn a ɔkyekye yɛn werɛ yɛn ahohia nyinaa mu, na yɛatumi afa awerɛkyekye a Onyankopɔn de kyekye yɛn werɛ no so akyekye wɔn a wɔwɔ ahohia biara mu werɛ.

Na sɛnea Kristo amanehunu ɛso pa ara ba yɛn so no, saa ara nso na yɛn awerɛkyekye nam Kristo so boro so.

Na yɛn ankasa huu no yɛn mu sɛ yebewu, enti yɛamfa yɛn ho anto yɛn ho so, na mmom yɛde yɛn ho too Nyankopɔn a onyan awufo no so.

Na nea ɔde yɛne mo tim Kristo mu na wasra yɛn no ne Nyankopɔn; ɔno nso na wasɔ yɛn ano, na wama yɛn Honhom no de ayɛ guaha ama yɛn wɔ yɛn koma mu.

Na sɛ woteetee yɛn a, ɛyɛ awerɛkyekye ne nkwagye ma mo, na sɛ wɔkyekye yɛn werɛ a, ɛyɛ awerɛkyekye ma mo; ɛno na edi dwuma boasetɔ mu, amane a yɛn nso yehu no ara mu.