Popular Bible Verses from 1 Korintofo 15

Share

Enti, me nuanom adɔfo, muntintim, munnhinhim, monkɔ so Awurade adwuma mu daa, efisɛ munim sɛ mo brɛ nyɛ ɔkwa, Awurade mu.

Aseda nka Onyankopɔn a ɔnam yɛn Awurade Yesu Kristo so de nkunim ama yɛn.

Mommma wɔnnnaadaa mo! Nkɔmmɔ bɔne sɛe ɔbra pa.

na Onyankopɔn adom nti na mete sɛnea mete yi, na n'adom a ɔde dom me no anyɛ ɔkwa, na mmom meyɛ adwuma bebree mesen wɔn nyinaa, nanso ɛnyɛ me, na mmom ɛyɛ Onyankopɔn adom a ɛka me ho no nti.

O owu, wo nkunim wɔ he? Owu, wo nwowɔee wɔ he? Owu, nwowɔee ne bɔne; na bɔne tumi ne mmara.

Hwɛ, meka mo ahintasɛm: Yɛn nyinaa renna, na yɛn nyinaa bɛsakra ntɛm so, mpofirim, torobɛnto a edi akyiri no hyɛn mu; na wɔbɛhyɛn torobɛnto na awufo no anyan sɛ wɔn a wɔmporɔwee da, na yɛn de, yɛbɛsakra.

Na sɛnea ɛnam onipa so na owu bae no, sɛ nso awufo sɔre nam onipa so bae ne no. Na sɛnea wɔn nyinaa wu Adam mu no, sɛ nso wɔn nyinaa benya nkwa Kristo mu ne no.

Na etwa sɛ nea ɛporɔw yi hyɛ nea ɛmporɔw no, na nea ewu yi hyɛ nea enwu no.

Na etwa sɛ odi hene kosi sɛ ɔde atamfo no nyinaa bɛhyɛ ne nan ase. Ɔtamfo a odi akyiri a obetu no agu no ne owu.