Popular Bible Verses from Danyèl 6

Share

Gw’amyeṉi Danyèl inè, ivanga ny’atèndyô, ayingiṉi yè gô nagô yè, iwundè si nontye s’avegagi zange gô nkôṽa yi Yerusalèm; alôṽi yè akotolo nyongo ntyarô g’ôwenja, agambiṉa; n’azum̃inyagi yè Anyambyè yè, ga nt’alendagi yè gw’alônga.

Anyambyè yam̃ are tôm̃a pe yenjèl yè, aṉunj’agwaṉa m’iliyoni, ko s’avanga myè njuke, konde mi zele dèngô pa ni ntyèmbo g’ôzô wè; na g’ôzô wo kè, ôga, mi zele denda pe ndaga mbe.

Mi sômbya inè, gw’ipangiṉa sôdu s’iṉongo nyam̃, aṉaga wi ga ratam̃iṉe ary’Anyambyè yi Danyèl. Konde ayè ne Anyambyè ya bo, n’ayè e dwaṉa gô koṉako; n’ipangiṉi sè s’ayilizô, n’ipangiṉi sè si be dwaṉa kwanga gô ntyay. Ayè e danduṉa azungiṉa, ayè e dende lemba n’isam̃u yi mamô g’ôrôṽa na gô ntye. Ayè are danduṉa pe Danyèl avila gô ngulu y’iliyoni.

Vovo azômby’ôga inè, Danyèl e ga ṽagô, ko waô pungè g’ômpulungu w’iliyoni. N’agambi ôga awulinye Danyèl inè: Anyambyè yo yi janjiṉô wè pèkèpèkè, e ga zungiṉe wè!