1
ROMA 15:13
Sura Magali Nuntu Ngkatuwu
LAIPMF
I Pue Ala inceʼemo anu da ndipomata-mata. Mbolimo Sira da mawaika komi kawongko ndaya pai kalindo ndaya ua peayami ri Sira, da naka ua kuasa Inosa mPue Ala, ka komaroso-roso pampomata-matami ri Pue Ala.
2
ROMA 15:4
Pura-pura anu ndaʼuki ri Sura Magali inceʼe da mampaguru kita. Maka waʼa pompaguru anu tarata ungka ri Sura Magali inceʼe mampakaroso pai mampakatodo kita painaka takoto mampeondaka katuwuta ri Pue Ala.
3
ROMA 15:5-6
Mbolimo i Pue Ala anu mawai katodo pai kalindo ndaya ri lino, da mampelae komi da ndipangkoto tuwu siuju-uju raya malulu pandiri i ngKerisitu Yesu. Ri kasiuju-uju ndayami komi pura-pura da ndikoto maunde Pue Ala, Papa mPueta i Yesu Kerisitu.
4
ROMA 15:7
Inceʼe puʼunya ee waʼa ngkasangkompo ndipombesabemo sambaʼa pai sambaʼa ri wongko ndaya, ewa i Kerisitu woʼu mantarima komi da mampapeawa i Pue Ala.
5
ROMA 15:2
Paikanya kita sambaʼa pai sambaʼa da mampakawongko raya ngkasangkompota da naka tesorepaka siʼa pai kakomaroso-roso peayanya.