Popular Bible Verses from MATIU 18

Share

Maka ri mbeʼi kanjau ntau radua bara tatogo mompasambaka ua Yaku, Yaku lau sangkani-ngkani ri oyo ntau seʼe.”

Pai da ndipaincani woʼu: Ane reʼe ri oyomi ri lino seʼi radua tau sintuwu raya mamperapi bara nunjaa-njaa ntano, perapinya seʼe da ndabangani mPapa-Ku ri suruga.

Ndapeboo i Yesu sambaʼa ananggodi anu kodi-kodipa ndapapekakore ri suara ntau seʼe. Nepa ndatoʼo i Yesu, “Da ndiayamo! Sangadi komi mewali ewa ananggodi, nepa da ndikoto mewali tau i mPue Ala.

Tau anu mampakalauka koronya ewa ananggodi, siʼamo anu bangke mpodago ri oyo waʼa ntau i mPue Ala.

Pai tau anu mancabe ananggodi anu ewanceʼi ua Yaku, posokinya mancabe Yaku.”

“Da ndipaincani, nunjaa anu ndipetangani ri lino, inceʼe seʼe woʼu ndapetangani ri suruga. Pai nunjaa anu ndipamonco ri lino, inceʼe seʼe woʼu ndapamonco ri suruga.

Ndapapusa i Yesu pasimbaju-A setu ndatoʼo, “Ewanceʼe seʼe Papa-Ku ri suruga da mampowia komi sambaʼa pai sambaʼa ane bareʼe mabuya rayami mampokapuru kasangkompomi.”

“Bara isema anu malinguni mau podo sambaʼa tau ungka ri oyo waʼa ntau anu kodi-kodi seʼi, painaka siʼa bareʼemo meaya ri Yaku, moruana tau setu ndaloeka watu mpogili ri leʼenya nepa ndanawu ri tongo ntasi.

Ewambeʼi parata ndayami? Ane rapanya reʼe tau sambaʼa anu mampotumpu bimba saatu pai reʼe sambaʼa anu tetaji, nunjaa anu da napowia ntau setu? Manoto siʼa da mampalaika bimbanya anu siompuyu pai sasio ri wawo buyu, pai da malai siʼa mampepali anu tetaji setu.