Popular Bible Verses from LUKASI 3

Share

Karoonya nariu i Yohane waʼa ntau sondo, nariu woʼu i Yesu. Pai ntongo mekakai Sira, teloka yangi, pai metudumo Inosa mPue Ala ri wawo ntanoana-A motaʼa ewa tonci putiʼa. Nepa ndadonge oni nganga mPue Ala mantoʼo, “Sikomo Ana-Ku anu Kupotowe. Siko mampakawongko raya-Ku.”

Inceʼe painaka mompau i Yohane ri tau seʼe pura-pura natoʼo, “Yaku mariu komi pai ue, paikanya maʼi da rata tau anu meruu ngkabangke pai yaku. Sako malede wayaa ntalupaa, yaku bareʼe sintinaja. Sira da mangariu komi pai Inosa mPue Ala pai apu.

Nditujumo ri powiami kakominya majeamo ungka ri waʼa ncalaami! Neʼe boi nditoʼo i Burahima ineʼemo ngkaimi. Da ndipaincani: Ungka ri waʼa mbatu seʼi ndakoto i mPue Ala mampapewali muli i Burahima!

Tokamo uase da ndatowoka kaju pai ndarantasi ngkekale-kalenya. Pura-pura kaju anu bareʼe madago powuanya da ndatowo pai da ndatendeka ri apu.”

Inceʼe silulu pai anu lau ndaʼuki ri sura i Nabi Yesaya: “Reʼe tau meboo-boo ri pada bone, ‘Ndipatokakamo i Pue jaya-A, ndipalenekamo Sira jaya-A. Waʼa ngoyo da ndabuketi, waʼa buyu pai pongku ntana da ndapapewali rato, jaya anu modenggo-denggo da ndapakayoa pai jaya anu motabiloke da ndapakalori. Waʼa ntau ri sambawo lino da mangkita. I Pue Ala da mancorepaka tolino!’ ”