Popular Bible Verses from DANIELI 3

Share

Mesono i Sadara, i Mesa pai i Abenego, natoʼo, “Datu anu meawa, kami bareʼe da mesapu. Ane ri Pue Ala anu kapanyomba mangkoto mancorepaka kami ungka ri dampu anu mareka-reka apunya setu pai ungka ri kuasami pueku, manoto da ndapawianaka inceʼe. Paikanya ane rapanya Sira bareʼe woʼu mancorepaka, mbolimo da ndipaincani pueku, kakaminya bareʼe da manyomba ri lamoami pueku pai bareʼe woʼu da manyomba ri turuki wuyawa anu ndiwangu setu pueku.”

Masono i datu ndatoʼo, “Paikanya wenu painaka kukita njau tau aopo melinja-linja ri tongo-tongo apu setu? Tau seʼe bareʼemo tepungu pai bareʼe liu-liu bara makuja-kuja. Pai anu kaʼaopo setu taʼanya ewa lamoa.”

Nepa mompau i datu ndatoʼo, “Undemo i Pue Ala anu napanyomba i Sadara, i Mesa pai i Abenego. Sira mampokaumo malaʼeka-A mancorepaka watua-A tatogo anu meaya ri Sira. Tau seʼe mangalewamo songkaku moruana mate painaka da manyomba bara da mangaunde lamoa mbeʼi ntano, podo ri Pue Ala pue ntau seʼe panyombanya.

Inceʼe painaka kupesongkaka ri sambaʼa-sambaʼa tau ungka ri banca, lemba banca bara basa nunjaa ntano, anu mampasowa pau pompetikodi ri Pue Ala anu napanyomba i Sadara, i Mesa pai i Abenego, da ndasasa pai banuanya da ndadungkalaka pai da mewali awu. Maka bereʼe lamoa anu mangkoto da mangawianaka nunjaa anu roo ndawianaka mPue Ala setu.”