Popular Bible Verses from Rm. 8

Share

Kineneiget taagai kam, ai le mugagalai Taikamanua ka bagat sangamberinia masibaraake katuerukat ka sia sipununtuki nia baga, ia te sia sinogei teu bagat Taikamanua.

Amatoneman poi bagaku, kamateiat ele purimanuaiat, malaika ele sibara gege, sibabara kineneiget ele sibabara geti, ele apa pa simagege, sikuddu ka pata ele taikabaga, ele apa pa bagei, ta momoi ipasaraake sita ka nuntut bagat Taikamanua ka bagat Kristus Jesus Tuhanta.

Kisedda leu Ketsat masirom sita ka bagat gulai tubuta. Aipoi ta taagai kipa siripokatnia manindou; tapoi Ketsat le maninindou punu tubuta ka Taikamanua ka bagat puhohoihoi sitaioi tutiboake.

Oto kipangan le takukua ka pagalaiat sangamberinia nene? Ke Taikamanua masipaalei sita, kaseian le sisaggangi sita?

Kineneiget taan ioorak sia ukum sikuddu ka bagat Kristus Jesus.

Pupaatuanan akkula poi kamateiat le, tapoi pupaatuanan Ketsat ia te purimanuaiat samba aban.

Tapoi ka bagat sangamberinia nene mamanang le sita simakope kalulut nia sipununtuki sita baga.

Siripot pinaatuku, pangoringan ka tetere kineneiget, ta isisiripoki tupakereake nia ka pulatsanan patoilaket ka sita geti.

Kasei te masipasasaraake sita ka nuntut bagat Kristus? Paoreat ele gejat baga ele pangukurat, ele pulajeat ele pugebakat, ele kalotoakenen, ele lanjau?

Samba Taikamanua siagai masiitco paatuat sirimanua, iagai pinaatut Ketsat, aipoi siripot siobat Taikamanua le itiddouake sirimanua sipunenan.

Sangamberi sirimanua pinalulut Ketsat Taikamanua, sia te tatogat Taikamanua.

Aipoi sia sipuririmanua siripot akkula, masipaatu siripot akkula; sia sipuririmanua siripot Ketsat, masipaatu siripot Ketsat.

Nia sitaikiliu Togania, tapoi aibuluake le nia punu tubuta sangamberita, malangan pa ta ipanguruatnake sangamberinia bagei leu ka sita?

Ketsat nene te pasamba ketsatta masimunengake, tatogat Taikamnua le sita. Samba ke toga sita, sipasiikep leu sita, tibonannia: sipasiikep palelengan Taikamanua, tasilo nia pasamba Kristus, aipoi ke samba tapasiorik kam Kristus, tulalatsatnake leu sita pasamba nia.

Oto pupaatuanan akkula, ia te pasaggangan ka Taikamanua, aipoi ta mususum nia ka Surukat Taikamanua; ta poi momoi igalaiake nia.

Bulat amarrepdepman poi bagada sangamberi sibaraakenen masingena katutoilakatda tatogat Taikamanua.

Taagai poi, aili teret kineneiget sangamberi sibaraakenen kere muhoihoi samba kere masiorik besit pususule.