Popular Bible Verses from Rm. 14

Share

Ta poi pukokom samba pulolo Purimataat Taikamanua, tapoi puroroipo le, puaaban samba puaangkat baga ka bagat Ketsat Sipunenan. Aipoi kasei masipuuku Kristus kele kise, obaket Taikamanua le nia samba rasuru nia sirimanua.

Aipoi murimanua sita, kai Tuhan le tapuririmanua, samba matei sita, kai Tuhan le tamamatei. Oto murimanua ele matei, Tuhan le sibakkat sita.

Oto kau takukuruake sibaraake paabanan samba sikau katuerukat pasasambata.

Oto buian tapaukum kam pasasambata. Nenean le nuukkaake kam ka paatuatmui: Bui takau saaleita tusoksok ele mabele baga.

Atusuratnakean poi ka Surat Sipunenan, “Ka puririmanuangku,” ngangan Tuhan, “sangamberi sirimanua buita murekkuk ka mataku; samba sangamberi sirimanua masiumunake Taikamanua.” Oto sita senenta buita masialegi pagalaiat tubuta ka Taikamanua.

Silo kam simagulai tonem baga, bui tupajoggoloake pagalaiat pupaatuananda.

Kasei te ekeu, iooi nuukum paguguletda sabagei? Ele murio nia, ele bele nia, tuannia le sibakkat pasikelat. Kirenangan riuriu le ipurio, magege le poi si Tuhan masijago nia imariuriu ipurio.