Popular Bible Verses from Rm. 1

Share

Bulat tonem le bagaku ka Katuareman Simaeru, nia le poi ron Taikamanua masiarauake senen simatonem baga, boiki tai Jahudi samba bangsa bagei leu.

Aipoi ka bagat Katuareman Simaeru matoila kipa iparoipo sirimanu Taikamanua, ia te sibara ka tonem baga riuriu mutonem baga, kele sitususurat, “Simaroipo baga muririmanua sia kalulut tonem baga.”

Barania ka pasibaraat polak, sitaimaiitco ka pagalaiat tubunia, ia te gegenia sitaitatata samba putataikamanuania, momoi tuitco ka paatuat ka sangamberi sibaraakenen. Oto ta momoi rapakele taiagairania.

Kenanen poi raagai Taikamanua, tapoi ta rasuru nia simateu ka Taikamanua, ele rasuraki nia. Bailoknia le, sarat si ta galai le rapaatu, samba paatuatda sitaiagai apa pa bailiu magepgep.

Pubulanan Taikamanua rasili ka boko, sibaraakenen le rapanindogi samba rasuru silit Sipasibabara, bulat umunakenen teret buruburu. Amen

Ipatotoila poi golunia Taikamanua sibara ka sorga ka sangamberi jo samba katai sirimanua, sipetpetnake pubulanan kalulut katai.

Kalulut nene segeakenangan sia Taikamanua ka pubotbonan kailaakenen. Aipoi tainanalepda rasili le patabbarat tubu sipasesese ka sitaipasesese. Kisedda leu taimanteu, taan ka tainanalepda ratabbaraake tubuda siripot sipasesese, ka pasasambada taimanteuan le ipujujuluu pubotbonanda, bailiu galairangan pakailaat pasasambada taimanteu. Kalulut nene silorangan ukuman ka tubuda siripot joda. Kalulut ta rabesiake masiagai Taikamanua, segeakenangan sia Taikamanua ka pupaatuanan sikatai, bailiu ragalaiake sitaimateu tugalaiake.

Ka bagada simasiku paatuatnan sia, oto si ta anai siagai. Pulatsanan Taikamanua sitaitatata, rasili ka tularat simakere ka sirimanua simatataket, ka uma, ka tarimeu siepat rere ele ka leiti sipugugurui.