Popular Bible Verses from Pamoil. 9

Share

Tapoi sirimanua sipulelegei, sitaimamatei ka paoreat nene, ta leu et rababauake paatuatda ka sigalai kabeira. Ta raariake masipanindogi sanitu samba tularat mas, perak, tembaga, bukku samba loina sitaioi masiitco ele masiarep ele muenung, samba ta rababauake paatuatda ka pamamatei, pugagaut, paeelet samba pananangkou.

Bela ibela sin ka kujuk ei ka polak, samba tukau gege ka tubuda kele geget telenganga ka polak. Samba tukua ka sia bui rapakatai sese ka polak, ele siureman, ele paloinaloina, sarat sirimanua le si ta anai toggaiat Taikamanua ka bukkunia.

Lepa piaunangan pipiaunia malaika sikalima, itcokungan sara panyanyat bele ka polak barania ka manua samba rakau ka tubunia panguksik guluggu kamateiat.

Ta tuobaake ramateiake sirimanua, sarat masipaorei le lima ngalaggo ujunia. Besit paoreat nenda kele laplap isot sirimanua telenganga.

Rimata sipaneinei sia ia te malaika guluggu kamateiat; oninia ka ngangan Ibrani Abadon samba ka ngangan Grika Apolion (tibonannia “Sipasikakatai”).