Popular Bible Verses from Pamoil. 3

Share

Aian tebai aku muririo ka matatbaliu samba masiluuluu; kasei pa siarep ngangangku samba sibukaake matatbaliu, tugurukungan mei ka tubunia, pukomkungan pasamba nia, samba nia pasamba aku.

Kuagai sangamberi galajetnu; ta maleppet ekeu, ta maoloi. Maeru pei le leppet le ekeu, ele oloi! Oto kalulut kele oloi sulet le ekeu, ta maleppet, ta maoloi, kugegelekngake le ekeu.

Kasei kupununtuki baga, ia te kuaase samba kunganganturu; oto besiake samba bauake paatuatnu!

Kuagai sangamberi galajetnu; itco pei, akubukaakean kekeu matatbaliu, sitaioi raluplupmake kasei pa. Kenanen goiso le ronnu, tapoi anureddetnan tiboietku samba ta anupakele oningku.

Simamanang, kukakau nia mukuddu ka bebeku ka uddenan purimataatku, keleu aku simamanang samba mukuddu ka bebet Ukkuiku ka uddenan purimataatnia.

Anukua, ‘Makayo le aku, amusukkarangan bibiletku, taan anai simagulai kaku.’ Tapoi ta nuagai sikatai uktuk le ekeu, simasisibbu, simageba, simapeset samba simabulutut.

Kalulut anureddet tiboietku nupuom baga, aku leu kupasisikeli leu ekeu ka gogoi pasisiboat sipuaaili geti ka sangalio polak nene masisibo sia sikuddu ka polak.

Maruei le kuoi! Ukkaake le bakkatnu, bui bara kasei pa siala kiritnu.

Suruake ekeu, paron sipulelegei, simalegere matei; aipoi ta anai beri sara akusese sigalainu simaeru ka matat Taikamanuangku.