Popular Bible Verses from Pamoil. 14

Share

Lepa arepkungan nganga sibara ka sorga masikua, “Suratnake: Mauktukngan sia simamatei, matei ka bagat Tuhan teret kise.” “Bulatnia,” ngangan Ketsat, “rapuaroi ka gejat bagada; aipoi sangamberi sigalaira masitut sia.”

Ka bagat nene te buita imaom samba imatonem bagada sia sipunenan, sipasirereddet surukat Taikamanua samba simatonem baga ka tubut Jesus.

kuanangan sabeu nganga, “Kalotoake kam Taikamanua samba latsatnake kam nia, aiailingan poi tetere ipasiukum. Purappo kam ka matania sibaraake manua samba polak samba koat samba sangamberi bubuakat oinan.”

Lepa oi bagei malaika sikatelu, masitut malaika sirua, kuanangan sabeu nganga, “Kasei sipurarappo ka matat tarimeu ele ka tularatnia, samba masisilo toggaiat ka bukkunia ele ka kabeinia, ilolo te geti anggur golut Taikamanua, sinarekngakenen si ta galu ka bagat pulokat golunia; samba tupaorei nia ka api samba belerang ka matada samalaika sipunenan samba ka matat Togat Biribiri. Pangarainangan ka pata kujuk api paoreatda teret buruburu, sinago sinoibo ta anai ari tupaorei sia, ia te sia sipurarappo ka matat tarimeu samba tularatnia, samba sisilo toggaiat oninia.”

Lepa itcokungan: aimuririo sedda Togat Biribiri ka leleu Sion, samba ai aleinia 144.000 sia, ka bukkura tusurat oninia, samba onin Ukkuinia.

Lepa itcokungan sara malaika bagei tuburut ka talagat manua samba ai ka tubunia Katuareman Simaeru sitaitatata paaremennia ka matada sikuddu ka polak ia te ka senen bangsa samba muntogat samba nganga samba uma

Lepa oi bagei malaika sikarua masitut nia, kuanangan, “Amabukkatnan, amabukkatnan Babel, kota sabeu, sipasipupuinengake sangamberi bangsa anggur pubotbonan puumunannia.”