Popular Bible Verses from Mrk. 9

Share

Kuanangan ka matania Jesus, “Bara bai siagainu, nukua? Ka simatonem baga sangamberinia le momoi!”

Pugereinangan leu ukkui toga, “Matonem bagaku. Romake aku simagulai tonem baga nene!”

Kele aitoili Jesus ka lalep, nounourangan nia sipasiuluinia sarada, “Ta koi momoi ka kai kuusiake kai sanitu?” Kuanangan ka matada Jesus, “Sanitu kele nene ta iagai usi, ke ta ka bagat panindogat.”

Simaeru te garam; tapoi ke maleu bai garam, apangan le nukakau kam pasikalo nia? Oto kau ibailiu kam kele garam, samba kau paaban kam pasasambamui.”

“Kasei siala sara tatoga kele nene ka oningku, aku le aiala. Samba kasei siala aku, ta aku aiala, tapoi sipasikokoiniake aku le aiala.”

Kukua nia ka matamui: Kasei sipalo kam sangapulokat oinan kalulut sipasiului Kristus kam, bulat ta masasaigo upania.”

“Kasei sigalai pajoat ka sara taigoiso nene simatonem baga kaku bailiu nia mujo, makaeru pei le ka tubunia tusereake bukku panundukat ka lolokkatnia ituribbaiake nia ka koat.

Samba ke ipajo bai ekeu matam, kiok le nia. Maeru pei le sisara mata ekeu tuguru ka Purimataat Taikamanua, ka sirua mata ekeu turibbaiake ka narako.