Popular Bible Verses from Mat. 6

Share

Besiake le kam boiki Purimataat Taikamanua samba puroipoatnia, tuppaiakenangan leu sangamberinia nene ka kam.

Oto bui nupukarani kam baga pagalaiat gogoi mancep; ai leu ipugejaji tubunia ka sia gogoi mancep. Metnangan senenia gogoi masipugejaji tubunia.”

“Kalulut nene kukua nia ka matamui: Bui nupukarani kam baga purimanuaiatmui, pagalaiat komen ele loketmui. Samba bui imakarat bagamui ka tubumui, pagalaiat leppeiakenenmui. Ta enga pei le abeu ka kan samba tubu pei le abeu ka leppei?

Kekeu geti, ke manindou ekeu, guruake le ekeu ka bagat biliknu, lekkereakenungan matatbaliu, panindoginungan Ukkuinu sikuddu ka simalipput. Ia geti Ukkuinu siitco simalipput masisiliake nia kekeu.

Kise le panindogatmui, ‘Ukkuimai ka sorga: Bule itupuneni onim, ioi purimataatnu, ipuriuriu teu bagam ka polak kele ka sorga.

Ake kanmai gogoi nene simemetnia.

Appeake selemai, kele kai leu akuappeakean kai sipusesele ka tubumai.

Bui nukau kai ka pasisiboat, belaake le kai ka si Jo. [Ekeu le poi sibakkat Purimataat, sibakkat gege samba pulatsanan teret buruburu. Amen.]’

Aipoi ke nuappeake kam seleda sirimanua, appeakenangan leu selemui Ukkuimui ka sorga.

Itco le kam uma ka tei manua, taipangangaram, taipasimomonei samba taipasirururu ka kudduat pangoirikat; tapoi ai le ipakokom sia Ukkuimui ka sorga. Ta kam pei le abeu ka uma?

“Bui nururuake kam pukayoatmui ka polak, sioi ipakatai tabbela samba kaop, sioi ragaugau samba ratakkou nia sipananangkou. Ka sorga le ruruake kam pukayoatmui, sitaioi ipakatai tabbela samba kaop, sitaioi ragaugau samba ratakkou nia sipananangkou. Kaipa poi pukayoatmui, sedda leu te paatuatmui.”

“Ta anai beri sara sirimanua momoi ipuuku rua tuan. Ta isosoppi ipulagaki baga sisara, ipununtuki baga sisara. Ele marere nia ka sisara, maasa bagania ka sisara. Ta momoi nupuuku kam Taikamanua samba pukayoat.”

Ke kise palalaingena sese ka mone Taikamanua, gogoi nene ai nia, mancep ribbaiake ka api, kaman pa ta ileleppeiji Taikamanua, kam simagulai tonem baga?

Kekeu geti nupupanguruat, bui iagai nia kabeinu sikatsiu sikau kabeinu sikattoet, bule imalipput panguruatnu; ia geti Ukkuinu siitco simalipput masisiliake nia kekeu.”

“Pagaba kam, bui nugalaiake kam puaaratmui masikau nia ikbungen sirimanua. Kisedda bai nugalai kam, taan nusisilo kam upamui ka Ukkuimui ka sorga.

“Samba ke mupuaso kam, bui nupasiep kam matamui kele sipatataju. Rapakakau le poi matada, raitco nia sirimanua pupupuasoda. Kukua nia ka matamui, arasiloan upada. Kekeu geti ke mupuaso ekeu, tulaji le utenu, bui matam, bui imaitco ka sirimanua pupupuasom, sarat Ukkuinu sikuddu ka simalipput le iaagai nia. Ia geti Ukkuinu siitco simalipput masisiliake nia kekeu.”