Popular Bible Verses from Jak. 4

Share

Oto pusum kam ka Taikamanua, saggangi kam Sanitu, kaddiuakenangan kam.

Legeri le kam Taikamanua, legerinangan leu kam. Linaake kam kabeimui, kam sirimanua sijo! Linaake kam paatuatmui, kam simarua paatuat!

Paepe kam tubumui ka matat Tuhan, buakngakenangan kam geti.

Tapoi abeu pei le kiliu baga sipanguruatnakenennia ka sita. Ia te lulunia aikua Surat Sipunenan, “Isasaggangi Taikamanua le simabuak paatuat, simaepe paatuat geti ikikiliu le.”

Oto siagai masigalai simaeru, tapoi ta igagalaiake, bailiu jo le ka tubunia.

Ele kenanen manindou leu kam, tapoi ta nusisilo kam apa pa, kalulut masele panindogatmui; aipoi sinindoumui nenda, ka pubotbonan tubumui le nusasappuruake kam nia.

Kam sipaeelet! Ta nuagai kam, pasuruangan ka taikapolak nene, pasaggangan ka Taikamanua le? Oto kasei sibailiuake tubunia suruak taikapolak nene, aibailiuakean tubunia saggak Taikamanua.

Apa sibabara ka purimanuaiatmui mancep tapei nuagai kam. Aipoi purimanuaiatmui samba le kele kujuk sitaimauju tuitco, lepa tata.