Popular Bible Verses from Gal. 5

Share

Buat Ketsat geti ia te: nuntut baga, angkat baga, aban, om baga, anggai baga, erut baga, topit, leppet baga, surut tubu. Ta anai surukat sisaggangi sangamberinia nene.

Nene le kuanenku: Puparaboat kam siripot siobat Ketsat, baan tututnake kam siobat akkula!

Ke amurimanuangan sita ka bagat Ketsat, kau leu tapuparaboat ka bagat Ketsat.

Sia sibailiu bakkat Kristus Jesus, arasiliktengaakean akkulara samba sangamberi pubotbonannia samba obaketnia.

Galajet akkula amatoilaan, ia te: puumunan, pulolinan, botbot, pasibubuluji buluat, pukekerei, pasasaggak, pajoggolat, tutut baga, golu, alau baga, pasaraat, pupapartei, sisit baga, pupupuineng, pasieemu samba pabageibagei. Ka pagalaiat sangamberinia nene kukua ka matamui kele sikuaku siboiki, sia sigalaiake nene, ta raiikepmake Purimataat Taikamanua.

Aipoi ka kam sasaraina, bule nupuuja kam le aitusogai kam. Tapoi bui nupakei kam puujaat nenda masiputului tubu mugalai siobat akkula, tapoi parom le kam pasasambamui ka bagat nuntut baga.

Aipoi siobat akkula ta ioba Ketsat samba siobat Ketsat ta ioba akkula, ruania poi ai le pasasaggak, bule ta ioi nugalai kam siobat bagamui.

Aipoi sangamberi Surukat, atulopuruakean ka bagat sara tiboiet, ia te, “Pununtuki baga aleinu sirimanua kele nuntut bagam ka tubum!”

Bui tapubeunan tubuta siboboi, paaggara pasasambata samba pasisi pasasambata.

Bule tapuuja sipulelelek, ujaakenangan sita Kristus. Oto kau imaron nupurio kam, buian nuoba kam minca ibailiu kam pagugulet.