Popular Bible Verses from Ep. 6

Share

Aipoi pasagganganta ta masisaggangi sirimanua, tapoi masisaggangi sapamarenta, masisaggangi sibara gege, masisaggangi sautet polak simagepgep nene, masisaggangi paketsatketsat sikatai ka tanairusa ka pata.

Sangamberinia galaiake kam ka bagat panindogat masitiddou paroman Taikamanua. Panindou kam senen tetere ka bagat Ketsat, samba mumata ka bagat panindogatmui sitaitetektek masitiddouake sia sipunenan.

Pakei kam sangamberi pamatei Taikamanua, bule nuom kam masisaggangi pajoat Sanitu.

Ia te lulunia ala kam sangamberi pamatei Taikamanua, bule nuom kam pasaggak ka gogoi sikatai nenda samba nyung le nupurio kam, lepa nukalaake kam sangamberinia.

Ka sangamberi sibabara pakei kam tonem baga korabbimui, kalulut korabbi nenda poi momoi nupeake kam silogui sibara api sipanaakenen Sanitu. Samba silo kam tutu laba puaragat samba lanjau Ketsat, ia te tiboiet Taikamanua.

Oto purio kam, muakkiktenga pubulanan samba muleppei laba puroipoat, reremui mukasu ngamang masipaarep Katuareman Simaeru pagalaiat paabanan.

Pasilepania, kau numaron kam ka bagat Tuhan, samba ka bagat ron gegenia.

“Suru ukkuinu samba inam” ia te surukat siboiki sibara palelengan, “Bule numauktuk samba imauju nupurimanua ka polak.”

Kam tatoga, reddet kam eppumui ka bagat Tuhan; kisedda poi siripokatnia.