Popular Bible Verses from Ep. 1

Share

Samba bule ipatoake matat paatuatmui, ioi nuagai kam aponia karoniet ka bagat pasogaiatnia, kipa kayot pulatsanan kaunennia ikepmakenenda sia sipunenan, samba kopet beunan gegenia ka sita simatonem baga, siripot ron gegenia, sigalaiakenennia ka bagat Kristus aisuruake nia ka simamatei samba aiuddetnake nia kai kattoetnia ka sorga, sisaliu buakra sangamberi pamarenta samba simagege samba saute samba tai tuan samba senen oni siooi tukua, ta sarat ka polak nene, tapoi samba leu ka polak sibabara geti.

Aipoi enan tapei abara polak aipilingan sita Taikamanua ka bagat Kristus, bule ibailiu sita sipunenan samba si ta loloiet ka matania. Ka bagat nuntut bagania, kirenangan aiteuakean ka bagat Jesus Kristus ibailiu sita tatogania, siripot siobat bagania

Ka bagat Kristus poi kalulut logaunia aibara ka sita panebuiat, ia te katuappekat jo, siripot kayot kiliu bagania

Tuumunake le Taikamanua, Ukkui Tuhanta Jesus Kristus sipanguruatnake ka sita sene ngamata panukanan puketsanan sibara ka sorga ka bagat Kristus.