Popular Bible Verses from Dan. 3

Share

Lepa alegirangannia, si Sadrakh, Mesakh samba Abednego, “Taanai katukolobatnia kuake kai alegiat katubut tuan pagalaiat nene. Kebai Taikamanua panindogietmai momoi ibelaake kai, belaakenangan leu kai ka obengan sipujujulu nenda, samba leu ka kabeinu, ale Rimata; Tapoi ke ta igalaiake Taikamanuamai, kau le nuseseakenia, ta maninindou kai ka taikamanuam samba ka tularat mas sirioakenennu nenda.”

Kuanangan Rimata, “Tapoi angoi ai sia epat kuitco muenung katalagat obengan nenda; taanai siorangan katubutda, samba epatda nenda kele togat sabulungan.

Lepa kuanangan Rimata Nebukatnezar, “Tuumun le Taikamanua panindogiet Sadrakh, Mesakh samba Abednego! Aikoiniakean poi malaikaNia masibelaake katelu paguguletNia simatonem baga katubuNia. Arapasabauan parenta samba raoba pei le matei kalulut ta roba manindou samba masisuru bulungan bagei ke ta Taikamanuanda.

Kalulut nenda kuparentaake le, senen laggai, suku samba nganga, sipaloloi Taikamanuan Sadrakh, Mesakh samba Abednego, tupatitippuki le nia geti samba lelepnia tubukkatake bailiu rurukat karagatat. Aipoi taanai sabulungan bagei sioi masibelaake kele sigalaiakenen Taikamanua nenda.