Popular Bible Verses from 2Kor. 4

Share

Kalulut ta simaiitco kupuuku kai, sitaimaiitco le; aipoi simaiitco ta matotom, sitaimaiitco geti ia te simatom.

Ia te lulunia ta kumasasaggo kai, kenanen tubumai ka uddut memei makakatai, tapoi ka baga geti ai le tubabau senen gogoi. Aipoi pugejaat baga goiso sitaimauju kineneiget, masibaraake ka kai pulatsanan sitaimagulai samba sitaitatata, sisaliu pei le beunan pugejaat bagamai.

Ka bagat sangamberinia raokkip kai, tapoi ta tulalaptip; ipaingo kai, tapoi ta tatakki pukakaronanmai; rapaoreji kai, tapoi ta tukakaddiuake kai; rapatukkuluji kai, tapoi ta ilalango.

Tapoi tubumai sibakkati pukayoat puketsanan nene, sigalai ka polak le, bule imatoila ron sisaliu sangamberi ron ka Taikamanua le, ta ka kai.

ia te sirimanua sitaimatonem baga, paatuatda aipetpetnakean taikamanuan polak nene, bui raitco torot Katuareman Simaeru pagalaiat pulatsanan Kristus, tularat Taikamanua.

Taikamanua poi sipasikukua, “Kau iputoro pato ka bagat gepgep!”, nia leu masitoroake patonia ka paatuatta, bule imapato paatuatta masiagai pagalaiat pulatsanan Taikamanua siputotoro ka matat Kristus.