Popular Bible Verses from 1Ptr. 1

Share

Tuumunake le Taikamanua, Ukkui Tuhanta Jesus Kristus, situtuake sita minca siripot beunan katet bagania, tapukaronan sipuririmanua lulut katususurut Jesus Kristus ka simamatei, tasilo ikepmakenen sitaimasusuet, sitaimalololit samba sitaimalalaju, situkokoiri ka sorga ka kam.

Pugoraji kam baga pagalaiat nene, kenanen ka oggak nene murereureu pei le kam baga kalulut sene ngamata pasisiboat. Sangamberinia nene ia te pasimuneng linania tonem bagamui – sisaliu pei le kepput sakit mas simasusuet, sisibo linania ka api – sikau kam masisilo katuumun samba pulatsanan samba pubeunanan ka gogoi katutoilakat Jesus Kristus.

Tapoi kele Taikamanua sipasisosogai kam sipunenan le nia, kam leu kau ibailiu kam sipunenan ka bagat sangamberi puparaboananmui, atusuratnakean poi, “Kau numasipunenan kam, aipoi sipunenan le aku.”

Siripot tatoga simareddet, buian nututnake kam pubotbonanmui siburu ka teteret pepemui pei le.

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.

Aipoi, “Sangamberi sirimanua kele turuturu le samba latsatnia kele botcoket turuturu. Malalaju le turuturu, botcoketnia leu iraragat, tiboiet Taikamanua geti, riuriu le teret buruburu.” Nene te tiboiet Katuareman Simaeru sinegeakenen ka kam.