Popular Bible Verses from 1Joh. 2

Share

Bui nupununtuki kam baga polak nene samba sangamberi sibabara ka bagania. Kasei masipununtuki baga polak, ta anai nuntut bagania ka Ukkui. Aipoi sangamberi sibabara ka polak, ia te puoobat akkula, puoobat mata samba puoobat katuumun, ta te sibara ka Ukkui, sibara ka polak le.

Samba polak nene tusasabau le, kisedda leu pubotbonannia. Sia sigalaiake obaket bagat Taikamanua geti riuriu le murimanua teret buruburu.

Sipasikukua aian nia mukukuddu ka Taikamanua, buita ipurimanua kele puririmanuan Kristus.

Ale tatogaku, lulunia akusuratnake nene ka kam, bule bui numajo kam. Tapoi ke majo bai kasei pa, aian ka bebet Ukkui Sipatalaga, ia te Jesus Kristus, simaroipo.

Sipasikukua: Kuagai nia, tapoi ta irereddet surukatnia, sipaboboko le nia, ta anai pubulanan ka tubunia.

Ka bagat nene te ituaagaita Taikamanua, ke atareddetnan surukatnia.

Sipasikukua, ai nia ka bagat pato, tapoi malaga bagania ka sarainania, ai le nia ka bagat pugepgeman teret kineneiget.

Kasei poi sipaboboko, ke ta nia sipasikukua: Jesus ta Kristus? Nia te saggak Kristus, siputata Ukkui samba Toga.

Senen siputata Toga, ta leu et ibakkati Ukkui. Tapoi simunengake Toga, ibakkati leu et Ukkui.