Popular Bible Verses from USOLWELO 19

Share

Tuwahililenu, tulikwizenu, tumuchichimiekenu; mumu umbachiso wa mwe Mwana-panga hiweza, ni mukwo-pwo hanalilulika.

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.

Ni meso jenyi ngwe mulengi wa kahia, ni ha mutwe wenyi hiyili yipangula yinji; iye ali ni jina linasonewa, lize niumwe manyingika shina iye mwene. Iye kanazala hina lia kuchupika mu manyinga: ni jina lienyi lize anamuvuluka ngwo, Lie Liji lia Zambi.

Mu kanwa lienyi mwatuhuka katana kanambuka, hanga akalambe nenyi mavungu: iye kumakaayula ni mbwechi ya utale; iye yaliata ukamino wa vinyu ya ufwatulo wa utenu wa Zambi ya Ndundo-Jeswe.

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.