Popular Bible Verses from A-FWILIPU 4

Share

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

Ni sambukila ya Zambi, yize yakuhiana kunyonga cheswe, muyikafunga mbunge jenu ni kunyonga chenu muli Kristu Yesu.

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

Kunahasa kulinga yuma yeswe muli yoze wakunguhashisa.

Wahililenu muli Mwene matangwa eswe: cheka nawa mungwamba ngwami, Wahililenu.

Chocho Zambi yami kumakanwaha yize yeswe munuhona nikulita ni upite wenyi mu uhenya muli Kristu Yesu.

Yuma yize anulongesele, yize nwatambwile, yize nwevwile, yize nwamwene muli yami, yino yuma lingenu; ni Zambi ya sambukila makapwa hamwe ni yenu.

Umbovu wenu ukamoneke kuli atu eswe. Mwene hakamwihi ali.

Ngunanyingika chize changutamba kulilelesa; ngunanyingika nawa ngwe chize kulumbama: mu majila eswe, ni ha yuma yeswe, ni kukuta ni kwivwa zala nawa, ni kulumbama ni kuhona.

Chahanjikile ngwe ngunahono, ka: mumu hingunalilongesa kuyuka ni yuma yeswayo nguli nayo.