Popular Bible Verses from UPUTUKILO 50

Share

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

José yamba ngwenyi, Kanda nwivwa woma. Te yami nguli mu chitwamo cha Zambi?

Kashika kanda nwivwa woma. Mungunuhoka hamuwika ni ana jenu. Chocho yaalembejeka nikuhanjika ku mbunge jo.

Ambenu kuli José ngwenu, Ukonekene kama mutonga wa ayayenu ni shili yo ha kukulinga chipi. Kashika tunaliumbu, utukonekene mulonga wetu, yetu ngamba ja Zambi ya tatenu. José yalila muze ahanjikile chocho.

Mba José yamba kuli ayayo ngwenyi, Mungufwa alioze Zambi pundu makeza kuli yenu, manuchiza ku chifuchi chino akanutwale ku chifuchi chize achilakenyene ni shingo kuli Apalahama, ni kuli Izake, ni kuli Yakomba.

José yashingisa ana ja Izalele ngwenyi, Pundu Zambi makanunangisa mba munukambata yifwaha yami nukayichize ku kuno.

Chocho José wafwile ni kulakaji lia miaka ni kumi lia miaka. Yamusa yitumbo kuchina mapola, yamusa mu kashau mu Engitu.