Popular Bible Verses from UPUTUKILO 27

Share

Zambi akwehe mume wa mwilu, Ni maji a hashi, Ni kulumbama cha chivwale ni vinyu. Minyachi akakuvumbike. Mavungu akafulamane kuli yena. Ukapwe mwene helu lia usoko we. Ana ja noko akafulamane kuli yena. Mweswe makushinga neye akashingiwe, Mweswe makuwahisa neye akawahe.

Esau yamba ngwenyi, Jina lienyi Yakomba te kuliamutele nyi? Mumu kaali hangulimbula. Yangutambula wata wami, ni haliapwila hangutambula uwape wami. Yahula nawa ngwenyi, Alioze kwafungile uwape umwe hali yami nyi?

Tato Izake yamukumbulula, yamba ngwenyi, Ku maji a hano hashi mukatwama, Ku mume wa mwilu nawa. Kumukamona mwono ku tachi ja katana ke. Alioze kumukavumbika mwanakwenu. Hindu muze mukatusuka Mukalishatununa kanga yenyi ku kota ye.

Esau yamba kuli tato ngwenyi, Tata, te uwape umuwika uli nawo? Ni yami nawa unguwahise yami tata. Chocho yateta ni liji linene nikulila.