Popular Bible Verses from A-NGALASHIA 6

Share

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Chocho kevwe, shimbu tuchili ni mwaka, tulingenu yipema kuli atu eswe, ni kuli akwa zuwo lia Ufulielo kuhiana chikolo.

Limbachilenu yilemu umwe hali mukwo, ni chocho munumanununa shimbi ya Kristu.

Kanda nulionga; Zambi keshi kulenvewa: mumu cheswacho mutu makuwa, chenacho kumakacha nawa.

Yoze makuwa ku musunya wenyi mwene, ku musunya kumakacha kupola; alioze yoze makuwa kuli Spiritu, kuli Spiritu makacha mwono wa mutolo.

Mandumbu, kachi mutu makwachika ni kapalia, yenu nuli akwa Spiritu, nukahilwise umwe ngwe yono ni mbunge ya kushimbika; nikukanyama yena mwene, kuchina ni yena nawa makuzeza.

Mumu kachi mutu malishinginyeka kupwa chimwe, muze iye hi chimwe ko, mahonga iye mwene. Alioze mutu ni mutu akeseke chitanga chenyi mwene, chocho makapwa ni kulisamba chenyi ha kutwala kuli iye mwene wika, hi ha kutwala ku yuma ya mbala ko. Mumu mweswe kumambata chiteli chenyi mwene.