Popular Bible Verses from KUTUHUKA 9

Share

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Hohene Yehova yamba kuli Mose ngwenyi, Njila kuli Falau ukambe kuli iye ngwe, Chocho anambe Yehova, Zambi ya A-Hepreu ngwenyi, Echa atu jami aye, akangulingile.

Mumu kachi nolola kwoko liami ni kulamba yena ni atu je ni chilungo, kachi munukakuwa hashi.

kwoko lia Yehova mulikapwa hali yimuna je waze ali mu yambu, ni hali tuvwalu, ni hali yimbulu, ni hali tumelu, ni hali ngombe, ni hali mapanga. Kumukukapwa chilungo chipi. Yehova kumakahandununa hakachi ka yimuna ja A-Izalele ni ja A-Engitu. Alioze hali yimuna ja A-Izalele, niumwe mafwa wakuhi.

Hamene, tangwa Chichize, kumungukanokesa chiwe cha makelekeshi, chize kanda chinoka ku Engitu, chize ku mwaka uze aputukile kutunga chifuchi ndo haliapwila, ka. Kashika tuma haliapwila upupwise kunjisa yimuna je hamwe ni waze eswe uli no mu yambu, mumu atu eswe ni tushitu eswe ali mu yambu, nyi kechi kwaneha ku zuwo, che chiwe muchikaanoka, mba kumakafwa.

Mba kumuwalumuka fufuta yikepekepe ha chifuchi cheswe cha Engitu. Kumuwalumuka ukapwe mahute a kuneha yivunda ni hali atu, ni hali tushitu, ndusu mu chifuchi cheswe cha Engitu. O yanda uto wa ku lutengo, yamana kumeso ja Falau, Mose yautakumuna ha tetela, mba yiwalumuka mahute a kuneha yivunda, ni hali atu, ni hali tushitu.