Popular Bible Verses from MUKANDA WA A-EFWESU 6

Share

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Zalenu mazalo a utale eswe a Zambi, hanga nukahase kumana ni kulimika ni unjiliji wa Ndiapu.

Kashika tambulenu mazalo a utale eswe a Zambi, hanga nukahase kulimika ha tangwa lipi, mba muze hinunalingi yuma yeswe, kumana ngú.

Alioze helu lia yeswe, andenu lukepwe wa Ufulielo, yoze munukahasa kujima nenyi mivu yeswe ya kuyila ya mwe chingulungulu. Andenu nawa ngalau ya ulamwino, ni katana ka Spiritu, mwenawo liji lia Zambi.

Manenu kashika ngú, se hinunalijichika mu zalilo jenu muya wa umwenemwene, se hinunazala chipwiko cha utale cha ululi, se hinunazala ha yiliato yenu kululika cha sango lipema lia sambukila.

Ha yize yinasala, mandumbu jami, ngwami, Likolezenu muli Mwene, ni mu ngolo ja ndundo jenyi.

Ngwo, Lemesa tatenu ni noko; yenayo ye shimbi yitangu yikwete chilakenyo, ngwo, Hanga chikapwe chipema ni yena, hanga ukapwe ni mwono miaka yinji mu chifuchi.

Yenu ana, Ononokenu kuli yisemi jenu muli Mwene, mumu chino chinate.