Popular Bible Verses from MUKANDA WAMUCHITANO WA MOSE Uze Akuvuluka Ngwo SHIMBI YAMUCHIALI 8

Share

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Nunyonge mu mbunge jenu ngwenu, Ngwe chisemi mafumba mwanenyi, chocho Yehova Zambi yenu kakunufumba yenu.

Munukalia ni kukuta, nukawahise Yehova Zambi yenu mumu ha chifuchi chipema iye hananwehecho.

Nufunge maliji a shimbi a Yehova Zambi yenu, mukwenda mu majila jenyi, mukumuvwila woma.

Iye wanulishile maná mu puya, akakenu kayinyingikine, hanga anulelese, hanga anweseke, mba ha kusula akanulinge chipema.

Kuchina ngwami, Ha kulia ni kukuta, ha kutunga mazuwo apema ni kutwamamo, ha kwoka cha ngombe jenu ni yimuna jenu, ha kwoka cha prata ni oru jenu, ha kwoka cha yeswe nuli nayo, hanji mbunge jenu mujikazunduka, munukavulama Yehova Zambi yenu wanuchijile mu chifuchi cha Engitu, ku zuwo lia upinji.

Mumu Yehova Zambi yenu ananuhetesa mu chifuchi chipema, chifuchi Chikwete yitwetwe ya meya, Chikwete mafuji a meya, ni meya asuku anavwelwokela mu yikulo ni ha milundu, chifuchi Chikwete tiliku, ni sevada, ni mitondo ya uva, ni mikuyu, ni romana, chifuchi Chikwete mitondo ya olevwe ni wuchi nawa. Mu chifuchi munukalia kulia chinji, kunuchi kahonamo nichimwe. Chifuchi, mawe jacho a utale, ku milundu yacho munukafula unengu.

Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Mazalo jenu kafwile hali yenu, molu jenu nawa kajimbile, makumi aze awana a miaka.

Iye wanusongwelele ndusu puya yinene, kole ni mwongo, tupela ni tuvwanda apwilemo, chifuchi chumu, kumwapwilemo meya niamwe, iye wanutuhwishilile meya ku liwe lia utale.