Popular Bible Verses from 2 A-TESALONIKA 2

Share

Kanda nutayiza niumwe kunwonga, chipwe hakehe, mumu tangwa lize kulichi kwiza shina che kulumbuka muchilianga kwiza, akasolole mwe mutu wa shili, mwe mukwa utoke

Alioze chatutamba kusakwila kuli Zambi matangwa eswe hali yenu, mandumbu kananuzange chikolo kuli Mwene, mumu Zambi hananutongola chize ku uputukilo mukuzuka ulamwino, ku kusela ku usandu cha Spiritu ni kufuliela cha umwenemwene.

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi, akalembejeke mbunge jenu, akanutakamise mu yitanga yeswe yipema ni maliji eswe apema.

Ha chikuma chino, Zambi makatuma kuli ayo kulinga cha maliji akupiangula, hanga akafuliele mahuza

Kuheta cha mwe chihulia chinalite ni kulinga cha uhenge kuli waze akutoka; Satana ni tachi jeswe ni yilayi ni yipupu ya mahuza, ni milali yeswe ya kwonga cha mumu katambwile zango lia umwenemwene, hanga akaalamwine.

Mumu chijimbikilo cha uhulia kuchinalingi kulu; chino wika, kwali mukwa kukwika haliapwila ndo mamuchiza mukachi.