Popular Bible Verses from 2 A-KORINDU 1

Share

Zambi kanda Tato ya Mwene wetu Yesu Kristu akafumane, Tato ya keke, kanda Zambi ya kulembejeka cheswe; yoze wakutulembejeka mu luyinda wetu mweswe, hanga tukahase kulembejeka waze mapwa mu luyinda umwe, ni kulembejeka chize yetwene kakutulembejeka nacho kuli Zambi.

Mumu chizechene ngwe lamba lia Kristu kuliakulumbama kuli yetu, chocho kulembejeka chetu nawa kuchakulumbama ku tachi ja Kristu.

Ewa, twapwile ni upatwilo wa kufwa muli yetwene, kanda tulifuliela yetwene, alioze tukafuliele Zambi yoze wakuhindwisa afu

Achi, yoze wakutukolesa hamwe ni yenu muli Kristu, nikutuwayisa, iye Zambi: iye watujikile ni Chijikilo chenyi, watuhele chifungo cha Spiritu mu mbunge jetu.

Alioze chipwe mutupwa mu luyinda, muchipwa ha kulembejeka chenu ni ulamwino wenu; chipwe matulembejeka, muchipwa ha kunulembejeka, chenacho kuchakulinga utunu mu lamba limuwika ni lize yetu nawa twakwivwa.