Popular Bible Verses from 1 A-KORINDU 13

Share

Zango uhomboloji likwete, utu likwete; zango kulishi kupwa ni lufwachinda; zango kulishi kulisangala, kulishi kulifuza. Kulishi kulinga ngwe kuchatele, kulishi kufupa yuma yenyi mwene, kulishi kutenuka nikawashi; kulishi kushinginyeka yipi

kuliakufuka yuma yeswe, kuliakufuliela yuma yeswe, kuliakutalatala yuma yeswe, kuliakunyongonona mu yuma yeswe.

kulishi kuwahilila mu uhenge, alioze kuliakuwahilila mu umwenemwene

Alioze haliapwila yinasala Ufulielo, kutalatala, zango, yino yitatu; ni che chahiana cha ku yino, zango.

Zango kulishi kuhwa nilimwe tangwa: alioze chipwe uprofeto, kumakauhwisa; chipwe malimi kumakahwa; chipwe yinyingi, kumakayihwisa.

Chipwe munguhanjika ni limi lia atu ni angelo, alioze chishi zango, mungupwa ngwe ngunga yakuhanjika nge-nge-nge, hanji mikosa ya kunjatangila.

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

Muze napwile mwana, nahanjikile ngwe mwana, nevwile ngwe mwana, nanyongene ngwe mwana: alioze haliapwila se hinapwa lunga, hinambila yuma ya wanuke.