Popular Bible Verses from Boharni ad Johanes 3

Share

E lele, io da baghege le babi, io reregdi, ar homo i hirong ngasen ordo, i audi babi, io la lundieum aden, io bo gous le ndro i, i bo gous me ndro io.

Io dono mburer adem, io dono, uo de niela bui, uo de ngendehan bugane, ndangen io ha lengi, uo niela, de uo ngendehan. Uo de ngendehan bui uo heb ngenda ge, io mbuere uo, io beg rogumbunhi uo le boho.

Io rii su masi goloisden su, hanguruen longu ogoro, e belueni bern adem.

Io dono mburer adem. E lele, babi ber um i deh, homo de danen vadi i bui, heb ndoui adem mandehege. Uo gin boro nongen ordo, uo de gin bieni io bui, uo de gin hangaini ngoro bugane.

Ar homo ir ndounen longu momen, io beg hengen le ndro i, i lugdo im logna ordo le born ndro io, muren i dege io ie, io de gin ndounen longu momen masi, io lugdo im logna ad Bo Dom.

Uo vong: Memrad ordo dsoln, ehe, io dege labenen ge, memrad ordo mabosanged, io mbuere heb longu la born. Uo de danem bui, uo gina momen ndangen heb memrad adem bui, heb begmarn adem bugane, heb salo adem bui.

Uo gin bogulue nongen ordo i da gin meher ndro uo, i da gin bai: Uo belengeni io, e lele, io beg bogulue uo lie, io beg rumburdi uo le rang momen i da beg meher ndro uo, le ndro su gor ma gor bosanged, be i beg seslaini su ndramed ber boan.

Io gmeher roud e boro memrad aden hian i da ndro uo, debosan homo i behena salion adem ber gor lundielang.

Edne, hian uo mamed ge, osbani su, su heb ndoa bui, su baghege na gmed, mburer adem i de heb monen bui le bormarn ad Jehova.