Popular Bible Verses from Hebru 5

Share

Su ge, su da gin menda, su ulhou, su ien gan ndoun, dansu hanguruen longu masi monen ge, longu hian de i longu momen.

Nongen aden i da le molengamu, le kristmas dsoln, be mu gin hirong nongen aden monen ge, danmu henunuen su le nongen ogo, su de gin hirong nongen masou. Danmu dege ogoro bui, sidegesi iou ghenunuen mu longu hendre e hendre ber lang, mu gin hirong i goru. Mu dege su mamemei, su da ilmui sus, de dansu ien gan ndoun bui. Homo ma homo i da ilmui sus ad nanen, aga hom mamemei ge, i de danen heb nongen hian masou.

I Ndur Jehova, i delengan le nongen ad Damen, i gin ibdi ngendian dege Jehova i ha lengi. Be i gin hinen mburer aden boen sumburdi, i danen rumburdi su, su da delengan le nongen aden.

Be i da le boan, i gin soling ndro Jehova, i gin ndemani i, i gin reng le bormarn, i gin loholo, i ha lengi, Ndorlaben i rumburdi i le longu momen, debosan i gmad. I gin somui le soling aden i gin rumburdi i, i de noh hebsa bui.