Popular Bible Verses from Timoteus I 6

Share

Ibdi bahun hian ad Jehova, e bore ndoui aden, hilou ge sal adem, hilou, e ngab memrad ber lang, Ndorlaben gin loh uo, beg hengeni le ndro uo, dege uo gin boharni le ndro su mabosanged.

Meruan dsoln, aga su da voaniso moni, i dege ngondrn le gei heie momen ge, mbuegei ber gei ogo gina momen. Su holel su da gin hangungerou memrad ber boan, gin bieni sal monen, su ha dogi momen ge, ngendiasu dsoln.

Ar homo i gin ibdi bern houen ad Kristo, i do da hian ge le gor aden ndangen, gan anen, memrad aden, Ndorlaben gin hengen le ndro i, aga i vonei le ndro i.

Iou de gin huri heb memrad le gor boan bui, dandu hedi giao heb memrad ber gor ogo bui, bersi muren be iou gbieni gor boan.

Absou le ndro su, memrad asu dsoln, mbue su ghanguruen manden le asu, mbue su hanguruen memrad asu, su belengeni Jehova ge, i da hengen me ndro du longu hendre e hendre ber boan monen ge.

Su da hanguruen memrad ber boan, beg huri me goure memrad dsoln, Satan i seslaini su le longu hendre e hendre, beg hosi su, le hangungerou asu, su gina momen ri, su na glos.

Absou le ndro su, su gob mburer hian gle memrad asu, su osbani su, heb gan ansu bui, su hengen le ndro su, memrad asu bugane. Be su ghinen i dagara, su huri me goure memrad ber gor lundielang, su horuan, su mamaren gleri.