Popular Bible Verses from Roma 14

Share

Barang, kalo Allah pegang parenta dalang katong pung hidop, yang panting tu bukang apa yang katong makang ka minong. Mar yang panting tu, katong hidop batul di muka Allah, hidop dame deng orang laeng, deng hidop deng hati sanang tagal Antua pung Roh karja dalang katong pung hati. Sapa yang hidop par Kristus deng cara macang bagitu, dia su biking Allah pung hati sanang deng biking manusia taru hormat par dia.

Barang kalo katong hidop, katong hidop par kasi sanang Tuhan pung hati. La kalo katong mati, katong mati par kasi sanang Tuhan pung hati lai. Jadi hidop ka, mati ka, katong ni Tuhan pung.

Tagal itu, mari katong usaha sunggu-sunggu par biking apa sa yang biking katong bisa hidop dame deng orang laeng deng yang bisa kasi kuat laeng deng laeng pung parcaya.

Tagal itu, jang laeng kasi sala laeng lai. Mar, kamong musti ati-ati deng kamong pung hidop biar kamong seng biking kamong pung basudara tasonto la jatu dalang dosa.

Akang sama deng apa yang tatulis dalang Allah pung Tulisang, “Tuhan bilang, ‘Tagal Beta ni Allah yang hidop, samua orang pasti nanti tikang lutu somba Beta. La samua orang nanti mangaku kalo Beta ni Allah.’ ” Jadi, katong satu-satu nanti badiri di muka Allah la mangaku samua yang katong su biking di dunya ni.

Basudara e! Orang-orang yang balong batul-batul mangarti soal apa yang orang-orang parcaya bisa biking deng seng bisa biking, kamong musti tarima dong bae-bae. Jang baku malawang deng dong soal apa yang dong pikir tu.

Dia tu jua Allah pung jongos. Kamong seng ada pung hak par nilai ka kasi sala orang pung jongos. Allah sandiri yang bisa putus kata apa yang dia biking tu batul ka seng. Mar Allah tarima dia biar kata dia makang daging ka seng, tagal Antua pung kuasa par tolong dia biar dia tetap biking apa yang batul.