Popular Bible Verses from Yakobis 5

Share

Tagal itu, kamong musti laeng mangaku laeng pung sala deng laeng sombayang par laeng biar yang saki jadi bae. Orang yang hidop iko Tuhan pung mau, dia pung sombayang tu pung kuasa paleng basar.

Basudara yang iko Yesus, kalo ada dari kamong yang susa, dia musti sombayang minta Tuhan tolong dia. La kalo ada yang pung hati sanang, dia musti manyanyi puji-puji Tuhan.

Kalo orang-orang yang sombayang par orang saki tu batul-batul parcaya Tuhan, Antua nanti kasi bae orang yang saki tu. La kalo orang yang saki tu ada biking dosa, Antua nanti kasi ampong dia pung dosa-dosa.

Kalo dari kamong ada yang saki, labe bae dia panggel penatua-penatua jamaat biar dong sombayang deng goso minya di dia pung badang la minta Tuhan kasi bae dia.

kamong musti inga bae-bae kata-kata ni, “Sapa yang biking orang bardosa bale kombali iko Tuhan pung mau, itu sama sa dia su tolong orang tu par hidop tarus deng Tuhan, la Tuhan kasi ampong orang tu pung dosa-dosa.” Hormat, Yakobis