Popular Bible Verses from Ibrani 9

Share

Kristus jua mati satu kali sa par jadi korbang par tabus banya orang pung dosa. La abis itu, Antua nanti bale satu kali lai, bukang par tabus dosa-dosa, mar par kasi salamat orang-orang yang tunggu-tunggu Antua.

apalai Kristus pung dara? Deng Allah pung Roh yang hidop tarus-tarus yang pimping Antua, Kristus kasi Antua pung diri sandiri par Allah, par jadi korbang yang seng pung kurang sadiki lai. Korbang yang Kristus bawa tu kasi barsi katong pung hati kacil dari hal-hal yang seng ada pung guna, biar katong bisa somba Allah yang hidop tu.

La sama deng Allah su putus kalo manusia tu cuma mati satu kali la abis itu Antua putus dia pung parkara

Mala kalo iko Hukum Torat, amper samua hal musti dapa kasi barsi deng dara. La kalo seng ada dara yang tatumpa, seng ada dosa yang dapa kasi ampong.

Jadi deng samua yang Kristus biking tu, Antua jadi jambatang par bawa janji yang baru yang Allah ika deng manusia. Deng bagitu, samua orang yang Allah su panggel par jadi Antua pung orang-orang tu, dong bisa tarima harta pusaka yang ada tarus-tarus, sama deng apa yang Antua su janji. Barang, Antua su mati par tabus manusia dari dosa-dosa yang dong biking waktu masi iko janji yang lama tu.