Popular Bible Verses from Ibrani 6

Share

Katong pung harap tu, akang macang deng jangkar di dasar lautang, yang biking katong pung hati jadi kuat deng seng anyo-anyo. Tagal katong pung harap tu kuat macang bagitu, jadi katong macang kata su maso dalang Ruang Paleng Kudus yang tapele deng kaeng pampele basar par baku dapa deng Allah.

Barang, Allah tu salalu biking apa yang batul. Jadi, Antua seng lupa kamong pung karja deng kamong pung sayang par Antua, yang kamong kasi unju waktu kamong tolong Antua pung orang-orang dari dolo sampe oras ni.

Ada dua hal yang seng parna baroba tagal Antua seng parna parlente. Yang satu tu Antua pung janji la yang satu lai tu Antua pung sumpa. Jadi, Antua ika Antua pung diri deng sumpa biar katong yang cari Antua par jaga katong ni, katong pung hati jadi batul-batul kuat par taru harap kalo Antua nanti kasi apa yang Antua su janji par katong eso lusa.

Tagal itu, jang katong tinggal kong taputar deng dasar-dasar ajarang soal Kristus sa. Mar, mari bajalang labe jau lai dalang ajarang yang biking katong labe tamba batumbu deng baakar kuat-kuat dalang katong pung parcaya. Jadi, jang katong tinggal kong taputar deng dasar-dasar ajarang macang musti kasi tinggal cara hidop yang biking katong tapisa dari Allah deng soal parcaya Allah.