Popular Bible Verses from 2 Tesalonika 2

Share

Jang kasi biar orang biking bodo kamong deng cara apa sa. Barang, nanti ada banya orang yang malawang Allah deng ada satu orang yang paleng jahat paskali yang kasi unju dia pung diri do, baru Tuhan Yesus bale kombali. Orang jahat tu nanti maso naraka.

Basudara yang Tuhan sayang, katong musti minta dangke tarus dari Allah tagal kamong. Barang, dari waktu Allah balong biking dunya ni lai, Antua su pili kamong par kasi salamat kamong. Antua kasi salamat kamong waktu Antua pung Roh biking kamong jadi Antua pung orang-orang yang seng bardosa deng waktu kamong parcaya ajarang yang batul soal Yesus Kristus.

Dia nanti malawang Allah deng angka diri labe tinggi dari apa sa yang manusia somba ka panggel par allah. Jadi, dia nanti dudu di orang Yahudi pung Tampa Sombayang Pusat la mangaku par samua orang kata, “Beta ni, Allah!”

Katong minta biar Yesus Kristus, Tuhan yang katong somba, deng Allah, katong pung Bapa, kasi kuat kamong pung hati biar kamong parcaya Yesus tarus. Katong jua minta biar Antua tolong kamong par bilang deng biking apa yang bae tarus. Antua sayang katong samua. Antua jua pung hati bae sampe Antua su kasi kuat katong pung hati tarus-tarus deng biking kamong parcaya sunggu-sunggu kalo Antua nanti biking samua yang Antua su janji.

Tagal dong seng mau tarima ajarang yang batul tu, Allah nanti kasi biar dong parcaya orang jahat tu deng dia pung ajarang yang seng batul.

Waktu Tuhan Yesus balong bale kombali, orang jahat tu muncul. Dia pake Setang pung Raja pung kuasa la biking sagala macang tanda herang sampe orang-orang dapa parlente la kira kalo dia ada pake Allah pung kuasa. Dia nanti parlente orang-orang deng sagala macang hal yang jahat. Dong yang dapa parlente tu nanti maso naraka, tagal dong seng mau buka dong pung hati par tarima ajarang yang batul soal Yesus Kristus. Jadi, Allah nanti seng kasi salamat dong.

Barang, sakarang ni Setang pung Raja su mulai karja sambunyi-sambunyi par biking orang malawang Tuhan, mar masi ada yang tahang orang jahat tu. Nanti kalo yang tahang dia tu su seng tahang dia lai