Popular Bible Verses from 2 Korintus 6

Share

Jang tarika deng orang-orang yang seng parcaya, tagal kamong seng sama deng dong. Coba pikir! Orang yang pung hidop batul deng orang yang malawang Tuhan pung parenta, dong seng bisa jadi satu to? Ka, tarang seng bisa jadi satu deng galap to?

Masa orang bisa somba patong-patong dalang Allah pung Ruma? Seng bisa to? Beta bilang samua tu tagal katong ni Allah yang hidop tu pung ruma, sama deng apa yang Allah bilang kata, “Beta nanti tinggal deng dong deng nanti hidop sama-sama deng dong. Beta nanti jadi dong pung Allah la dong nanti jadi Beta pung orang-orang.”

Tagal itu Tuhan bilang, “Kasi tinggal orang-orang yang biking kajahatang tu deng jang paskali dekat-dekat deng dong. Jang paskali biking dosa biar kamong seng kotor, la Beta nanti tarima kamong.” “Beta nanti jadi kamong pung Bapa, la kamong nanti jadi Beta pung anana laki-laki deng parampuang.” Itu yang Tuhan bilang, Tuhan yang pung Kuasa Paleng Basar tu.

Masa Kristus deng Setang pung Raja pung tabiat sama? Ka, masa orang-orang yang parcaya deng orang-orang yang seng parcaya pung tabiat sama?