Popular Bible Verses from 1 Korintus 1

Share

Mar, Allah sangaja pili orang-orang yang bodo kalo iko orang-orang di dunya ni pung ukurang, biar orang-orang yang pung pikirang tajang tu malu. Antua pili orang-orang yang seng kuat kalo iko orang-orang di dunya ni pung ukurang, biar orang-orang yang kuat tu malu.

Ada orang-orang yang anggap barita soal mangapa kong Yesus mati di kayo salib tu carita bodo. Orang-orang macang bagitu tu orang-orang yang nanti dapa lempar dalang naraka. Mar par katong yang dapa kasi salamat ni, katong tau kalo carita tu kasi unju soal Allah pung kuasa yang paleng hebat yang Antua pake par kasi salamat manusia.

Barang, biar kata manusia anggap Kabar Bae tu sama deng omong kosong lai, mar apa yang Allah biking deng Antua pung pikirang tajang tu masi jau labe pintar dari manusia pung pikirang. La biar kata manusia anggap Antua tu seng ada pung kuasa apapa, mar Antua pung kuasa tu labe basar dari dong.

Allah tu salalu biking apa yang Antua janji. Antua tu yang su pili kamong biar kamong bisa jadi satu hati deng Antua pung Ana Yesus Kristus, Tuhan yang katong somba.

Basudara e! Deng kuasa yang Tuhan Yesus Kristus yang katong somba tu kasi par beta, beta minta kamong samua musti satu hati biar kamong seng tapica-pica lai, mar taika dalang satu pikirang deng satu maksud.

Jadi mana orang-orang yang pung pikirang tajang tu? Mana guru-guru Torat tu? La orang-orang yang pintar buju orang deng dong pung saribu satu macang alasang tu, mana dong? Allah su biking manusia pung pintar tu seng ada pung arti apapa.