Popular Bible Verses from রোমানরাংনা 1

Share

যীশু খ্রীষ্টনি গিম্মিন ইয়া নাম্মা খাৎথানা আংনি মামুং খ্রাচা·আনি দংজা, মুয়ানা ইয়া নাম্মা খাৎথান হং·জক ইসলনি বিল জেচা বিয়া গিম্মিক বিবিরা·গিবারাংখো পাপনিখো জক্কেতিংআ-স্খাং যিহূদীরাংখো, জা·মানো গিপ্পিন জাতরাংখো।

বাদিকে দাক্কে ইসল মান্দিখো দোসগ্রি ইন্নে রা·চাকা উখো ইয়া নাম্মা খাৎথাও ফারাকজক। স্খাংওনি বন·খামওনা দিপ্পাৎ বিবিরা·আচাসান মান্দিখো দোসগ্রি ইন্নে রা·চাকা। রংথালগিবা শাস্ত্রও চক্কা দংআ, “জেখো দোসগ্রি ইন্নে রা·চাকা বিয়া বিবিরা·আচান জাংগিখো মা·ন্নুয়া।”

ইসলনি জে গুণরাংখো মিক্রোনো নিকজাংআ, আগানস্খাওদে বিনি ফাংনাজলনি বিলখো আরো বিনি ইসলনি গিসিক-বেওয়ালখো হা·গিলসাক হং·বাচেংওনিন থাল্লে ফারাকজক। বিনি থারিচেংওনিন মান্দি উখো হা·আইনা মা·ন্না। ইনি জা·মানো মান্দিনি মামুং ফলসিকানি দংজাজক।

মান্দি বিখো হা·আইনা মা·ন্নেবা ইসল ইন্নে বিনি রাসংখোবা দাকজা, বিনা মিৎথেলাখোবা হন·জা। বিসংনি চানচিয়ানি বিল সকজাজক আরো বিসংনি বুদ্ধিগ্রি খা·থং আন্দালাও গাপজক।

ইসলনি বিবিখো গাল্লে বিসং বু·আখো রা·চাকজক। থারিগিবাখো দনগাল্লে বিসং বিনি থারিয়া বস্তুখোসা অলাখিজক, ইন্দিবা গিম্মিক রাসংদে ফাংনাজলনা উয়া থারিগিবানিন হং·আ। আমেন।

মান্দি ইসলনি বিবিখো অন্যায়চা দনদাপে দন্না, আরো উনি গিম্মিন বিখো অলাখিজানা আরো গিম্মিক অন্যায় কামনা সালগিওনি মান্দিনি সাক্কাও ইসলনি খা·আওনাংআ ফারাকা।

মান্দি ইরাংখো দাকজক ইন্নে ইসল খ্র্রাচা·আগ্মাং হা·সিকারাংও বিসংখো ওয়াত্তেতজক। মিচিকসারাংবা মি·আসারাংমুং বিসংনি দাকনা নাংআ গিত্তা বেওয়ালরাংখো দন্নে সাকগিপ্পিন মিচিকসারাংমুং দাকনাংগিজা গিত্তা খ্রাগিজা কামখো দাকজক। উয়ানদাক্কেন মি·আসারাংবা মিচিকসারাংমুং বিসংনি দাকনাংগিবা বেওয়ালরাংখো ওয়াত্তে মি·আসারাংমুং নামগিজা কামখো দাকনা হা·সিকা; মি·আসা মি·আসামুং খ্রাচা·আগ্মাং খ্রাগিজা কামখো দাকজক। ইনি হা·সেল বিসং গিম্মিকান বিসংনি নামগিজা কামনা মা·ন্না খ্রাগিবা শাস্তিখো আন·থাংথাংও মান·জক। ইন্দাকে মান্দি ইসলখো মানিনা হাম·জানি গিম্মিন ইসলবা পাপও গাপ্পা গিসিকনি জাক্কো বিসংখো ওয়াত্তেতজক, আরো উনি হা·সেলান মান্দি খ্রাগিজা কামখো দাক্কিংআ।

বিসং আন·থাংথাংখো হা·আইগিবা ইন্নে দাবি দাক্কোবা বিসং আদতে জাদান হং·জক। ফাংনাজলনি, রাসং গাপগিবা ইসলখো অলাখিগিজা বিসং ফাংনাজল হং·গিজা মান্দিখো, সাক্কাও বিলগিবা দো·দ্রাংখো, মাৎবুরুংরাংখো আরো বুকমাচা মালগিবারাংনি বিমাংখোসা অলাখিয়া।